ඔබ නැති ලොවක් මට කුමටද - Suzume no tojimari

Suzume යනු 2022දී තිරගත වූ Adventure, Fantasy, Mythology කියන ශානරවලට අයත් චිත්‍රපටයකි. මෙය අධ්‍යක්ෂණය කර ඇත්තේ Your Name,The garden of Words, Children who chase Lost Voices, 5 Centimeters per second, The place promised in our Early days යන විශිෂ්ඨ නිර්මාණ බිහි කළ දක්ෂ ජපන් නිර්මාණකරුවෙකු වන Motoko Shinkai විසිනි. Suzume නිර්මාණයකිරීමෙදි ෂින්කායී විවිධ ප්‍රදේශවල සංචාරය කර ඒ දුටු දර්ශන හා හමුවුණු විවිධ පුද්ගලයින් චිත්‍රපටයට පාදක කරගෙන ඇත. චිත්‍රපටයේ ප්‍රධාන චරිත වන “ඉවාතෝ සුසුමේ” සඳහා “නනොකා හාරා” සහ “සෝතා මූනකතා” සඳහා “හොකුතෝ මත්සුමුරා” හ‍ඬ දායකත්වය ලබා දී තිබේ.  Imdb 7.8ක් සහ Rotten Tomatoes 96%ක අගයක් වගේම ඇනිමේ වෙනුවෙන්ම වෙන්වුණු MAL තුළින් 8.41ක අගයක් ලබා ගැනීමට සමත් වෙනවා .

මෙම චිත්‍රපටයේ කතාවට පාදක වී ඇත්තේ 2011 වර්ෂයේදී ජපානය මුහුණ දුන් දරුණු භූමිකම්පාව සමඟ සුනාමි ව්‍යසනයයි. කතාවෙහි “සුසුමේ,” සුනාමියෙන් විපතට පත්වුණු කෙනෙක්. ඒ ව්‍යසනය වෙලා වසර 12ක් ගතවූ තැනයි කතාව ආරම්භ වෙන්නෙ. පාසල් යමින් ඉන්න අතරතුර ඇයට මේ කතාවේ අනිත් ප්‍රධාන චරිතය වෙන “සෝතව” හමුවෙයි. සෝතා කියන්නෙ “තොජිෂි”( Closer ) කෙනෙක්. ඒ කියන්නෙ දොරටු වසන්නෙක්. “තොකොයො”( Ever- after ) ලෙස හඳුන්වන වෙනම මානයක සිටින “මිමිසු”( Worm ) නමින් හැඳින්වෙන නපුරු බලවේගයකට මෙලොවට පැමිණිය නොහැකි ලෙස දොරටු වසා දැමීමක් ඔහු කරන්නෙ. එය ඔහුගෙපරම්පරාවෙන් ඔහුට උරුම උනු රාජකාරියක්. මිමිසු මෙලොවට පැමිණියහොත් මහත් විපත් ගෙන දෙනවා. නොදැනුවත්වම සුසුමේඅතින් මේ විදිහට මිමිසුට පැමිණීමට නොහැකි ලෙස මුද්‍රා කරපු දොරටුවක “කනමේෂි”( Keystone ) නැතිනම් මුරගලක් හා සමානදෙයක් ඉවත් වීම නිසා ජපානයේ තැනින් තැන දොරටු විවර වෙන්න පටන් ගනී. මිමිසු මෙලොවට පැමිණෙන්න උත්සහ කරයි. විවිධබාධක අභියෝග මධ්‍යයේ සුසුමේ සෝතා සමඟ එක් වී මිමිසුට පැමිණීමට නොහැකි ලෙස ඔවුන් එම සියලු දොරටු වසා දමයි. 

ජපානයේ විකාශය නවතන විට Suzume උපයා ඇති ආදායම ජපන් යෙන් බිලියන 14.79කි. ඒක ඇ.ඩො. වලින් මිලියන 105.3ක්. ඒඅනුව ෂින්කායීගේම නිර්මාණයක් වූ Weathering with you ලබාගත් යෙන් බිලියන 14.23 ක ආදායම Suzume පසු කරයි. ජපානයේ වැඩිම ආදායමක් ඉපයූ චිත්‍රපට අතර 14 වන ස්ථානයෙත්, වැඩිම ආදායමක් ඉපයූ ඇනිමේ චිත්‍රපට අතර 8වෙනි ස්ථානයෙත්Suzume සිටී. ලොවපුරා ඉපයූ අදායම අනුව වැඩිම ආදායමක් ඉපයූ ඇනිමේ චිත්‍රපට අතරින් Suzume 4වෙනි ස්ථානය ලබා ගනී.මෙම ලැයිස්තුවෙහි Suzumeට ඉහළින් ඉන්නෙ ඇනිමේ චිත්‍රපට තුන වන්නේ Your Name, Spirited Away, Demon Slayer සහMagen Train යන චිත්‍රපටයි. චීනයේදී සිදුකළ තිරගත කිරීම්වලින් පසුව Suzume චීන යුවාන් මිලියන 752ක ආදායමක් උපයාගන්නා අතර එය ඇ.ඩො. වලින් මිලියන 109කි. එම ආදායම ජපානයේදී  ලැබූ ආදායමත් අභිබවා යන්නකි. එසේම 46වෙනි The Japan Academy Film Award Ceremony එකේදී “Best music” සඳහා සම්මාන දිනා ගනු ලැබුවේ ද Suzume anime චිත්‍රපටයයි. 

සූර්යය දැරිවි - weathering with you

 “මේ කාලගුණයට මොනව වුණත් කමක් නෑ. ඊට වඩා මට ඔයාව වටිනවා.”

Weathering With You යනු 2019 වසරේදී නිකුත් වූ Fantacy සහ Romance යන කාණ්ඩවලට අයත් වෙනස් කතාවක් සහිත anime චිත්‍රපටයකි. මෙය අධ්‍යක්ෂණය කර ඇත්තේ Your Name,The garden of Words, Children who chase Lost Voices, 5 Centimeters per second, The place promised in our Early days යන විශිෂ්ඨ නිර්මාණ බිහි කළදක්ෂ ජපන් නිර්මාණකරුවෙකු වන Motoko Shinkai විසිනි.

හොඩාකා මොරිෂිමා 16 හැවිරිදි උසස් පාසල් ශිෂ්‍යයෙකි. ඔහු තම ගම්බද නිවසින් ටෝකියෝ වෙත පලා යයි. කාර්යබහුල ටෝකියෝනගරයේ ජීවත් වීමට අරගල කරන හොඩාකාට කාලගුණය පාලනය කිරීමේ අද්භූත හැකියාවක් ඇති දීප්තිමත් හා ශක්තිමත් ගැහැණුළමයෙකු වන හීනා අමානෝ හමුවෙයි. ඔවුන් එකිනෙකා හඳුනාගෙන ළං වන විට, හීනා යනු "සූර්යය දැරිවියක්" බවත්, ඇගේ ප්‍රාර්ථනයෙන් හිරු එළිය ගෙන ආ හැකි බවත් ඔහු දැනගනී.

කාළගුණ කාන්තාවන් පිළිබඳව ජපන් ඉතිහාසයෙ පුරාවෘත්තවල ලියවී තිබේ. වැසි නිසා අඳුරු වුන මිනිස්සුන්ගෙ සිත්වලට එළියක් ගෙන ඒමට ඔවුන්ට හැකිය. නමුත් ඒ පුරාවෘත්ත වල කාළගුණ කාන්තාවන්ගේ ඉරණම ලිය වී ඇත්තේ  ශෝඛාන්තයක් ලෙසිනි. එසේම හීනාට ද එම ඉරණම ම අත්විඳින්නට සිදුවෙයි.

ඔවුහු එක්ව, වර්ෂාවෙන් තෙමුණු නගරයට ප්‍රීතියේ අවස්ථා ගෙන දෙමින්, අවශ්‍ය අයට හිරු එළිය පිරිනමන ව්‍යාපාරයක් ආරම්භ කරති. කෙසේ වෙතත්, හීනා ඇගේ බලය නිතර භාවිතා කරන විට, ප්‍රතිවිපාක දරුණු වන අතර ඇය අහසට පාවී ගොස් අතුරුදහන්වෙයි. 

හොඩාකා තම ආදරයේ බලය විශ්වාස කරමින් හීනාව බේරාගන්නා අදිටනින් අබලන් වූ ගොඩනැඟිල්ලේ දොරෙන් ඇතුල් වෙයි. කෙසේහෝ හොඩාකා හීනාව ඉන් ගලවා ගන්නා අතර කතාව අවසානයේදී ප්‍රීතිමත් අවසානයක් ගෙනෙමින් වසර තුනකට පසුව ඔවුන් නැවත එකිනෙකාට මුණගැසෙයි.

Weathering With You චිත්‍රපටය 2019 ජූලි 19 වැනිදා තිරගත වීම ආරම්භ වන අතර පසුව ඇමරිකා එක්සත් ජනපදය ඇතුළුරටවල් ගණනාවක සිනමා හල් වල ද තිරගත වී ඇත. මෙය IMDb දර්ශකයෙ 7.6 ක්ද Rotten Tomatoes අගය 91%ක් වගේමMyAnimeList දර්ශකයෙ 8.6ක් ලබා ගැනීමට ද සමත් වී තිබේ. එසේම 92 වෙනි ඇකඩමි සම්මාන උළලෙ Best International Feature Film විදියට ද නාමයෝජනා ලබා තිබේ. එසේම Annie සම්මාන උළලෙදී සම්මාන 4ක් සඳහා නාමයෝජනා ලැබී ඇත. එමනිසා Annie සම්මාන උළෙලක සම්මාන 4ක් සඳහා යෝජනා වන තුන් වැනි චිත්‍රපටය ලෙසින් Weathering With You පිළිගැනේ. චිත්‍රපටයේ හඬකැවීම් ශිල්පීන් ලෙස ජනප්‍රිය ජපන් නළු Shun Oguri ඇතුළු හඬ නළුවන් රැසක් දායක වී ඇත. විශේෂයෙන්ම Your Name චිත්‍රපටයෙ ප්‍රධාන චරිත දෙක අතිරේක චරිත ලෙසින් මෙම චිත්‍රපටයේද දැක ගත හැකිය.

තිරගත කළ පළවෙනි දින තුනේදී  Your Name චිත්‍රපටය ලබාගත් ආදායම වුනු ඩොලර් මිලියන 12.51 පසු කරමින් මෙම චිත්‍රපටයඩොලර් මිලියන 15.22ක ආදායමක් ලබා ගෙන තිබේ. එපමණක් නොව 2016 සැප්තැම්බර් වන විට ඩොලර් බිලියන 10.73කආදායමක් ලබමින් ජපානයේ බොක්ස් ඔෆිස් වාර්තා තැබූ චිත්‍රපට අතර 18 වන ස්ථානය ලබාගන්නට ද Weathering With You සමත්විණි. 

කාලතරණය කළ ආදරය - Your Name

  "සමහර වෙලාවට මම ඇහැරෙන්නේ ඇස්වල කඳුලු පුරෝගෙන. ඇඬෙන්න තරම් නින්දෙදී මම දකින හීනේ මට කවදාවත් මතක් කරගන්න බැරිවුණා.ඒත් මට ඕන ම කරන දෙයක් , නැත්නම් කෙනෙක් මගහැරුණා කියන හැගීම මට ඒ හැම වෙලාවෙම දැනුණා."

Your Name (Kim No Nawa) යනු 2016 වසරේදී නිකුත් වූ Fantacy සහ Romance යන කාණ්ඩවලට අයත් වෙනස් ම විදියේ කතාවක් සහිත anime චිත්‍රපටයක්. මෙය අධ්‍යක්ෂණය කර ඇත්තේ දක්ෂ ජපන් නිර්මාණකරුවෙකු වන Motoko Shinkai වන අතර Koichiro ito සහ Katsuhiro Takei එහි නිෂ්පාදකවරුන් වෙයි. 

මෙම කතාව දිහැරෙන්නේ Timeline දෙකක ජීවත් වන මිට්සුහා සහ ටකී වටා ය. මිට්සුහා, ජපන් ගමක් වන ඉතොමොරිහි සරල ව ජීවත් වන උසස් පාසල් දැරියක්. ඇය ගමේ ජීවිතයට දොස් නගමින් ලබන භවයේදී හෝ ටෝකියෝ නගරයේ ජීවත් වීමට සිහින දකියි. නමුත් හදිසියේ ම දිනක් ටෝකියෝහි උසස් පාසලක ශිෂ්‍යයෙක් වූ ටකී සමග තම ආත්මය හුවමාරු වෙයි. මේ අයුරින් දිගින් දිගටම යම් කාලයක් සිදුවන අතර එක්වරම මෙම ආත්ම හුවමාරුව නතර වෙයි.  නමුත් ඒ වනවිටත් ටකීගේ සිතෙහි මිට්සුහා පිලිබඳ ආදරයක් ඇති වී අවසන්. මේ නිසා ම ඇය සොයා ගැනීමට ගමට යෑමට ඔහු තීරණය කරයි. නමුත් ඔහු එහි යනවිටත් මීට වසර තුනකට පෙර උල්කාපාතයක් වැටී ගම විනාශ වූ බවත් මිනිසුන් මියගිය බවත් දැනගන්නට ලැබෙයි. එය එසේ වුවත් ඇය කොහේ හෝ ජීවත් වන බවට ටකී විශ්වාස කරයි.අනතුරුව ඔහු ඉතොමොරි දේවස්ථානයට ගොස් කමාමිචි නම් වූ මිට්සුහාගේ ආත්මය හා සම්බන්ධ දියරයක් පානය කරයි. ඒ මගින් නැවත කාලය හරහා ගමන් කර මිට්සුහාගේ ශරීරයට සම්බන්ධ වීමට ඔහුට හැකිවෙන අතර මිට්සුහා ඇතුලු ගමේ මිනිසුන් උල්කාපාතයෙන් බේරා ගැනීමට ඔවුන්ට හැකියාව ලැබෙයි .නමුත් ඉන්පසු ඔවුන් දෙදෙනාට ම ඔවුන් දෙදෙනාගේ මතකය අමතක වී යයි. එසේ කල් ගත වී ඉන් අවුරුදු පහකට පසු ටකී විශ්ව විද්‍යාලයෙන් උපාධියක් ලබා රැකියාවක් අපේක්ෂාවෙන් සිටී. නමුත් නමක් නොදන්නා කෙනෙක් තමාට මගහැරී ඇති බව නිරන්තරයෙන් ම ඔහුට හැගේ. එක්දිනක් රැකියාවකට සම්මුඛ පරීක්ෂණයකට සහභාගි වීම සදහා කෝච්චියේ ගමන් කරමින් සිටින ටකී , එහා කෝච්චියේ සිටින මිට්සුහා දකී. කෙසේ හෝ කතාවට ප්‍රීතිමත් ම අවසානයක් ගෙනෙමින් දේවස්ථානයේ පඩිපෙළ අසලේදී ඔවුන් දෙදෙනා එකිනෙකාට මුණගැසෙයි.

මෙම චිත්‍රපටයේ ටෝකියෝවේ කාර්යබහුල වීදිවල සිට, සන්සුන් ගම්බද ප්‍රදේශ දක්වා සෑම රූප රාමුවක ම සජීවි බවක් පෙන්නුම් කරයි. එසේම එහි යොදාගෙන ඇති පසුබිම් හඩ සහ සංගීතය සිනමා අත්දැකීම ගැඹුරින් විදීමට හේතු වන බව කිව යුතුමය. මේ නිසා ම Your Name චිත්‍රපටය දේශිය මෙන් ම විදේශිය වශයෙන් ද Box office වාර්තා බිද  දමමින් සාර්ථකත්වයට පත්විය. 2016 වසරේදී වැඩිම ආදායම් වාර්තා ඉපයූ චිත්‍රපටය බවට පත් වූ අතර ඒ ඇමරිකන් ඩොලර් මිලියන 380 කි. ඊට අමතරව 40 වැනි ජපන් Anime Festival හිදී හොඳම  Anime චිත්‍රපටය ලෙසද යෝජනා වූ අතර කතාව සහ සජීවිකරණය සඳහා විචාරකයන්ගේ පැසසුමට ද ලක්විය.

Your Name චිත්‍රපටය සඳහා ආභාෂය ලබා ඇත්තේ Your Connection නම් වූ ජපන් චිත්‍රපටයයි. එසේම ක්‍රිස්ටෝපර් නෝලන්ගේ විද්‍යා ප්‍රබන්ධ චිත්‍රපටයක් වන Intestellar මීට වැඩිවශයෙන් බලපෑම් කර ඇති බව ද සදහන් වෙයි. එපමණක් නොව මෙහි නම සඳහා Your Name තීරණය වීමට පෙර I knew it from a dream සහ You are half of this world යන නම් යෝජනා වී තිබූ බවද සදහන් වෙයි.

ප්‍රේමය යනු ආත්මයන් අහම්බකාරක ව එක් කරන කාලය හා අවකාශය අභිභවා යන බලවේගයකි. වසර ගණනාවක් ගෙවී ගිය  ද මගහැරුණු ආත්මීය ප්‍රේමය යලි හමු වූ මිට්සුහා සහ ටකීගේ කතාව එවැන්නකි.